http://www.lorhkan.com/wp-content/uploads/2014/01/Breaking-Bad-2.jpg
صراحة الله موضوع أنا ستافت منو بزاااف، وانا على يقين أنك غتستافد منو كثر إلا حليتي معايا دماغك، أنا تنآمن بواحد الفكرة أن الواحد إلا بغا إطفرو فأي مجال خاصو أولا إفهم راسو مزيان، إفهم شخصيتو كيف عاملة، مرة مرة إفكر فالتفكير ديالو! إحدد الأهداف ديالو...
فالربعينات كانت واحد البنت هي ؤ مها خدامين على واحد البحث تيهم أنواع الشخصيات ديال الإنسان ؤ كيفاش ممكن الواحد إعرف شخصيتو باش إطورها للأحسن. هاد البنت هادي هي إيزابيل ؤ مها كاترين كوك بريكس...شكون هيا إيزابيل؟ كيفاش تا جاتها فكرة عمل معيار لتحديد الشخصية ديال الإنسان؟ واش نجحات فاخراع داك المعيار؟ كيفاش ممكن نعرف شخصتي؟ وا إفيدني داكشي باش نولي سوبرمان؟...
إيزابيل بريكس مايرز تزات ف 1897 ؤ توفات ف 1980، هي كاتبة أمريكية، و شريكة في خلق معيار لجرد شخصية الإنسان لي معروف بإسم 'مايرز بريكس تحديد النوع' (MBTI) .
By Unknown, Courtesy of Katharine Myers - Katharine Myers, Public Domain, https://commons.wikimedia.org/w/index.php?curid=48805871
إيزابيل تاثرت بأفكار الطبيب و المحلل النفسي السويسري كارل يانك، ؤ خدمات على هاد مؤشر الشخصية على مدى عشرين سنة هي ؤ الواليدة ديالها، هاد البروجي لي جا أساسا باش إعاون العيالات فميريكان باش إلقاو الخديمة لي تناسبهم من بعد ما دخلات ميريكان فالحرب العالمية الثانية، البروجي عبارة أساسا على اسثمارة تيجاوب عليها الشخص ؤ تيتم تحليل الأجوبة ديالو لتحديد نوع الشخصية ديالو.
هاد المعيار تبنى على واحد النظرية أساسية تتقول بلي حنا تنستعملو ربعا ديال الوظائف ، جوج منهم تيحددو كيفاش تنستقبلو المعلومة ؤ جوج خرين تيحددو كيفاش تناخدو القرار. (1) الجوج اللولين هما الحواس و الحدس، الحواس تنستعملوهم باش نتفحصو البيئة لي حنا فيها ؤ نجمعو المعلومات من خلال الحواس ديالنا. ثم الحدس تيخليك تأول (تأويل) المعلومات، بمعنى المعلومات تتجمعهم مع واحد معنى(داكشي لي نقولو عليه غالبا الحدس أو قرائة مابين السطور) .
ملي تيتم فحص المعلومات تيجي دور (2) اتخاد القرار، ؤ لي كيفما ذكرت فيه جوج، الأول هو التفكير ؤ الثاني هو الإحساس؛ التفكير بمعنى اتخاد القرار بناء على المنطق، ؤ الإحساس بمعنى إدخال المشاعر في عملية اتخاذ القرار.
هاد المعيار تبنى على واحد النظرية أساسية تتقول بلي حنا تنستعملو ربعا ديال الوظائف ، جوج منهم تيحددو كيفاش تنستقبلو المعلومة ؤ جوج خرين تيحددو كيفاش تناخدو القرار. (1) الجوج اللولين هما الحواس و الحدس، الحواس تنستعملوهم باش نتفحصو البيئة لي حنا فيها ؤ نجمعو المعلومات من خلال الحواس ديالنا. ثم الحدس تيخليك تأول (تأويل) المعلومات، بمعنى المعلومات تتجمعهم مع واحد معنى(داكشي لي نقولو عليه غالبا الحدس أو قرائة مابين السطور) .
ملي تيتم فحص المعلومات تيجي دور (2) اتخاد القرار، ؤ لي كيفما ذكرت فيه جوج، الأول هو التفكير ؤ الثاني هو الإحساس؛ التفكير بمعنى اتخاد القرار بناء على المنطق، ؤ الإحساس بمعنى إدخال المشاعر في عملية اتخاذ القرار.
بمعنى إدخال المشاعر في عملية اتخاذ القرار.
أي واحد فينا تيميل لواحد من هاد الوظائف لا فما يتعلق بتفحص المعلومات أو اتخاد القرار، مثلا السوبرمان شخص تيعتمد على الحواس ديالو كثر من الحدس ثم تيعتمد على المنطق فاتخاد القرار ؤ تيبعد من المشاعر... هاد الميول لجوج من دوك الوظائف دون الأخرى تيخلي تلواحد يا إكون (3) شخص اجتماعي extrovert ولا شخص منطوي introvert.
ؤ كذلك تيخليه إكون يا (4) إما واحد الشخص ملاحظ ثلقائي و مرن، ولا شخص جماهري، منظم ،عزيز عليه إبلاني لحياتو.
أي واحد فينا تيميل لواحد من هاد الوظائف لا فما يتعلق بتفحص المعلومات أو اتخاد القرار، مثلا السوبرمان شخص تيعتمد على الحواس ديالو كثر من الحدس ثم تيعتمد على المنطق فاتخاد القرار ؤ تيبعد من المشاعر... هاد الميول لجوج من دوك الوظائف دون الأخرى تيخلي تلواحد يا إكون (3) شخص اجتماعي extrovert ولا شخص منطوي introvert.
ؤ كذلك تيخليه إكون يا (4) إما واحد الشخص ملاحظ ثلقائي و مرن، ولا شخص جماهري، منظم ،عزيز عليه إبلاني لحياتو.
دبا عندنا 4 مجموعات، فكل مجموعة 2 صفات، كل شخصية تتميل لواحد الصفة فكل مجموعة و منه كل شخصية تيكونو فيها 4 صفات، إلا دماغك إنفعك راه قرينا الإحتمالات فالكاتريام، هنا تيكونو عندنا 16 احتمال، تنديرو 4 في 4.
هاد 16 هي مجموع أنواع الشخصيات لي عندنا فالعالم، شخصية السوبرمان مثلا هي شخصية جادة (ISTJ) بمعنى شخص منطوي I، تيعتامد على الحواس ديالو كثر من الحدس S, تيعتمد على المنطق ماشي الأحاسيس T, ثم أنه منظم ؤ عزيز عليه إبلاني لحياتو J.
للحديث بقية...فالموضوع المقبل غنحاولو نتعرفو على كل شخصية من دوك 16 شخصية، كيفاش ممكن نحددو الشخصية ديالنا بكل دقة بلا منغشو نفوسنا؟ نفهمو الأهمية ديال هاد المعيار ؤ كيفاش ممكن إبدل حياتي..؟؟
No comments:
Post a Comment