الأنترنت الخفي، الديب ويب، الأنترنت المظلم، دارك ويب؛ مصطلحات محيرة لربما فايت ليك سمعتي بيهم مي واش عمرك سولتي راسك آش تيعني داكشي! ؤ نتا تتقلب فالأنترنت السطحي على ماهية ويب الخفي غتلقى الأكاديب أكثر من الحقائق، داكشي علاش قلت نكتب هاد المقال لمتابعي السوبرمان نشرحو فيه هاد الموضوع الشيق و الشائك فنفس الوقت. أشناهو الأنترنت الخفي؟ أشناهو الأنترنت المظلم؟ واش هما بحال بحال ولا تيختالفو؟ كيفاش إمكن ليا ندخل للأنترنت الخفي؟ أشنو ممكن نلقا فالأنترنت الخفي؟ أشنو ممكن نلقا فالأنترنت المظلم؟ كيفاش نحمي راسي قبل ؤ بعد ما دخلت للأنترنت الخفي؟
هادو كلهم أسئلة لي خاصنا نلقاو ليهم أجوبة باش نسمي راسي تنعرف الأنترنت الخفي و الأنترنت المظلم، عاد باش إمكن ليا نستكشف هاد العالم الجديد المليئ بالعجائب و الألغام.
هادو كلهم أسئلة لي خاصنا نلقاو ليهم أجوبة باش نسمي راسي تنعرف الأنترنت الخفي و الأنترنت المظلم، عاد باش إمكن ليا نستكشف هاد العالم الجديد المليئ بالعجائب و الألغام.
أولا أشناهو الأنترنت الخفي؟ أبسط تعريف ممكن نعطيع ليك بخصوص الأنترنت الخفي أو ما يصطلح عليه بالديب ويب deep web، هو أي محتوى ممسجلش ؤ ميمكنش ليك تلقاه إلا ستعملتي محركات البحث العادية بحال كوكل، ياهوو، بين...
خاصك تعرف بلي هاد الكم الهاااائل من المعلومات لي تقدرو ندخلو ليهم عن طريق محرك بحث عادي بخال google مثلا يلاه تتشكل واحد الخمسة فالمية %5 من مجموع الأنترنت تتبقا لينا هاديك الخمسة وتسعين فالمية %95 من الأنترنت ممسجلاش ؤ هي لي تتسما الأنترنت الخفي. كيما تنمتلو شخصية الإنسان بالجبل الجليدي، إد أن ما خفي أعظم، كذلك الأنترنت الخفي ماخفي أعظم و أقبح و أخطر!!
خاصك تعرف بلي هاد الكم الهاااائل من المعلومات لي تقدرو ندخلو ليهم عن طريق محرك بحث عادي بخال google مثلا يلاه تتشكل واحد الخمسة فالمية %5 من مجموع الأنترنت تتبقا لينا هاديك الخمسة وتسعين فالمية %95 من الأنترنت ممسجلاش ؤ هي لي تتسما الأنترنت الخفي. كيما تنمتلو شخصية الإنسان بالجبل الجليدي، إد أن ما خفي أعظم، كذلك الأنترنت الخفي ماخفي أعظم و أقبح و أخطر!!
فقط كملاحظة كاينين لي تيستعملوا كلمة الديب ويب (الأنترنت الخفي) و الدارك ويب (الأنترنت المظلم) فيما رشقات ليه على أساس أنهم بحال بحال، مي راه هما ماشي بحال بحال ؤ هادشي لي غنوظح من خلال الإجابة على السؤال ديال آش ممكن نلقا فالديب ويب ؤ آش ممكن نلقا فالدارك ويب؟
لربما ملي قلت ليك بلي الديب ويب مرتبط بمعلومات لي ممسجلاش، تتقول معا راس آش أوا تيخربق هذا! ممسجلاش فين!!
باش نوظح ليك أكثر أجيو نقارنو الأنترنت السطحي لي كلنا تنستعملوه بالديب ويب، ملي تنبغيو شي معلومة آش تنديرو، بطبيعة الحال تنمشيو نقلبو عليها فالأنترنت، ؤ حينتاش متنعرفوش فين كاينة بالظبط تنستعملو واحد الأداة لي تتساعدنا فالتقلاب ؤ هاد الأداة هي محركات البحث بحال google, yahoo, bing... انا مثلا تنقلب على السوبرمان، درتو ف google طلعت ليا جميع المواقع لي ممكن نلقا فيها معلومات على السوبرمان ؤ لي تتقدر ب 86000 موقع، هادشي كامل هي معلومات مسجلة ممكن أي واحد إدخل ليها.
باش نوظح ليك أكثر أجيو نقارنو الأنترنت السطحي لي كلنا تنستعملوه بالديب ويب، ملي تنبغيو شي معلومة آش تنديرو، بطبيعة الحال تنمشيو نقلبو عليها فالأنترنت، ؤ حينتاش متنعرفوش فين كاينة بالظبط تنستعملو واحد الأداة لي تتساعدنا فالتقلاب ؤ هاد الأداة هي محركات البحث بحال google, yahoo, bing... انا مثلا تنقلب على السوبرمان، درتو ف google طلعت ليا جميع المواقع لي ممكن نلقا فيها معلومات على السوبرمان ؤ لي تتقدر ب 86000 موقع، هادشي كامل هي معلومات مسجلة ممكن أي واحد إدخل ليها.
و لكن كاين ماهو اعظم من ذلك، ؤ هو متيبانش لأي واحد، مثلا ممكن ندخل لواحد الموقع ؤ نشوف المحتوى لي فيه و لكن ميمكنش ليا نشوف مثلا الكود (البرمجة) ديال داك الموقع، لي تيم، سجل الزوار...
الأنترنت الخفي راه قانوني، فقط شي ناس هما لي عندهوم الحق إدخلو لديك المعلومة ؤ لي نتا ممكن تكون واحد منهم (داكشي علاش تنقول ليكم عودو تفرقو مابين الأنترنت الخفي و الأنترنت المظلم)
أشنو آخر ممكن نلقاو فالأنترنت الخفي؛ مثلا صفحات محمية بالقن السري، سجلات بنكية، رسائل ديال الواتساب ؤ الفيسبوك ديالك مثلا هي أنترنت خفي بالنسبة ليا أنا، إيميلات، محتوى (أغاني، فيديوهات، كتب، دروس...)يجب شرائه هو أنترنت خفي بالنسبة لداك الشخص لي مشراهش.
و لكن الطامة الكبرى كاينة فالأنترنت المظلم ؤ لي ميمكنش تدخل ليه بإستعمال متصفح عادي بحال google chrome, أو firefox مثلا! مي كيفاش غندخلو ليه؟ أشنو غنلقا؟ ؤ واش أنا نيت نبغي ندخل لداك العجب؟ ياك مغندم إلا دخلت؟
هادشي لي غانشوفو فالموضوع القادم إنشاء الله.
الأنترنت الخفي راه قانوني، فقط شي ناس هما لي عندهوم الحق إدخلو لديك المعلومة ؤ لي نتا ممكن تكون واحد منهم (داكشي علاش تنقول ليكم عودو تفرقو مابين الأنترنت الخفي و الأنترنت المظلم)
أشنو آخر ممكن نلقاو فالأنترنت الخفي؛ مثلا صفحات محمية بالقن السري، سجلات بنكية، رسائل ديال الواتساب ؤ الفيسبوك ديالك مثلا هي أنترنت خفي بالنسبة ليا أنا، إيميلات، محتوى (أغاني، فيديوهات، كتب، دروس...)يجب شرائه هو أنترنت خفي بالنسبة لداك الشخص لي مشراهش.
و لكن الطامة الكبرى كاينة فالأنترنت المظلم ؤ لي ميمكنش تدخل ليه بإستعمال متصفح عادي بحال google chrome, أو firefox مثلا! مي كيفاش غندخلو ليه؟ أشنو غنلقا؟ ؤ واش أنا نيت نبغي ندخل لداك العجب؟ ياك مغندم إلا دخلت؟
هادشي لي غانشوفو فالموضوع القادم إنشاء الله.
No comments:
Post a Comment