كان عندي واحد الصديق أمريكي صريح، شحال من مرة هظر ليا على مواضيع شخصية بزاف، واحد النهار عرض عليا نحوي مرتو قدامو، فالول قلت واقيلا تيتفلا ولا مريض مع كرو، ساعة لقيت بلي هذالك هو الفانطازم ديالو. ؤ حينتاش الواحد خاصو إتعاون مع الناس ؤ يدير الخير مقلت ليه لا، الناس تيدفعونا غير لداكشي لي بغينا، قالها لمرتو بنت العبد قالت ليه تال هاذي لا!!!
أش أوا إكون هاد الفانطازم ؟ واش بالصح نيت كاين؟ آش تيقول العلم فهادشي؟؟
أولا خاصنا نفرقو بين الفانطازم sexual fantasy ؤ الأورغازم orgasm
الفانطازم، سكشوول فانتسي أو الخيال الجنسي هو واحد الصورة أو فكرة لي تتهيج المشاعر الجنسية ديال الشخص.
أما الأورغازم فهو الرعشة الجنسية، الختام تيال العلاقة الجنسية، كاع الإثارة لي تجمعات خلال عملية النكاح تتفرغ على شكل انقباض عضلات الحوض عند الإناث أو القذف عند الذكور.
هاد الظاهرة ديال الفانطازم معروفة فالعالم منذ القدم، و لكن بزاف ديال لي فانطازم متيخروج لأرض الواقع حينتاش ماشي عاديين، بحال هاد خونا لي قال ليك نحوي ليه مرتو، شحال من واحد فالمجتع تيقلب على لي يحويه هو ؤ مرتو ولكن كاينين بزاف ديال الموانع، ماشي موانع الحمل، بل موانع ثقافية، اجتماعية، أخلاقية و دينية تتخلي بحال هاد لي فانطازم إتكبتو.
اغلب البنات متتقدرش تحدد الفاطازم ديالها، علاش، حينتاش متيعيقوش بلي راهم تيقيمو على واحد الحاجة مضبوطة، داكشي عنهم ثقيل، (ماشي بحال الدري غير إسمع شي حد قال أبشي مات أبشي و إذا بالدمعليز ينصب الخيمة...)و لا ميقولوش ليك بلي راه مقيمين، هما تيفكرو فشي صورة رومانسية صافي ؤتيقيمو علا ما قالت ليا الحيبان ديالي، ولكن متقدرش تعبر على الفانطازم ديالها حينتاش مباينش داكشي مخلط.
لي متيعرفش بزاف ديال الناس هو أن الفانطازم هو واحد العنصر ضروري فأي علاقة؛ حينتاش تتشجع ؤ تتنمي المتعة الجنسية مابين لي كوبل، الجنس لي تيشوفو البعض تزاوج و فقط، بل إنه أسمى من ذلك! الفانطازم تيخلي الواحد إلبي الرغبات الجنسية ديالو فكريا ؤ لي لربما ميقدرش إلبيهوم فالواقع، كاينين مثلا لي تيتخيلو بلي تيغتصب العشيقة ديالو باش إزيد من النشوة الجنسية ؤ يبعد من النكاح الروتيني (لي تيأدي لعدم الإقتناع جنسيا)، ؤ هادشي لتيخلي العلاقة تطول بينتهم.
الفانطازم تيتستعمل كذلك باش الواحد إنسا عليه الأزمة لي تتمر منها العلاقة ديالو بشخص آخر، هاد القضية منتشرة بزاف مابين الإناث، هما تيتخيلو سيناريوهات جنسية باش إخرجو من ذاك الإحساس ديال القلق و عدم الإرتياح، ؤ يعيشو فعالم آخر تتلقى فيه داكشي لي خاصها، بحال مثلا القوة، البرائة(تنشوفك) , أو الندم...هدشي تتعكس بيه الأحاسيس السلبية لي تتحس بيها و تتولي تتحس بالقيمة الذاتية ديالها.
كاينين أنواع كثيرة ديال الفانطازم، تتختلف حسب الجنس (ذكر/أنثى) العمر، التوجه الجنسي، و المجتمع كذلك.. كاين مثلا لي تيعجبو إتفكر واحد التجربة جنسية دازت، اتخيل الواحد انه في جماع مع الشريك ديالو أو شي شخص تيبغيه ولو في سر، الجنس العنيف، الإغتصاب ؤ كينين لي الفانطازم ديالو هو الرجلين، ؤ هاد النوع نتلقوه بزاف عند الذكور، تتلقى مثلا شي واحد الشيء لي تيهيجو جنسيا هما الرجلين، ماشي أي كرعين، خاص تكون فيهم مواصفات ( الشكل، الحجم، شكل و طول ديال صباع الرجلين) كذلك أشنو تيدير بيهم (واش تيبوس فيهم ولا تيمصهم، ولا تيعضهم...)
كاينين دي كوبل تيصرحو لبعضياتهم بليفونطازم ديالهم ، باش كل واحد فيهم إحاول اوفر داك الفونطازم للشريك ديالو(إدا أمكن ذلك بطبيعة الحال ماشي تقول لمرتك أو صاحبتك راه غيجي صاحبي إحويك قدامي ونا نتفرج فيكم ) باش تكون العلاقة الجنسية مثالية و منه العلاقة الزوجية أو التصاحيبية التقحبينية علاقة صحية خالية من المشاكل، ؤ هذا هو الدور الأسمى ديال الجنس.
No comments:
Post a Comment